Fabrika e përpunimit të qumështit ”SHAKA BOBOSHTICË”, lokalizuar në rrethin e Korçës, komuna Drenovë, fshati Boboshticë, e filloi aktivitetin e saj në vitin 1994 si një biznes i vogël familjar.

Ditët e para të punës filluan me një sasi të vogël të lëndës së parë (rreth 60l), sasi kjo e cila dita ditës filloi të shtohet. Jo vetëm sasia e qumështit dhe produktet përfundimtare ishin në rritje, më e rëndësishmja ishte rritja e kërkesës. Produktet kërkoheshin dhe pëlqeheshin nga konsumatorët, gjë e cila dha shtysë për një zhvillim të kapacitetit të kësaj fabrike.

Sot kompania SHAKA është një nga fabrikat me kapacitetin më të madh në vend për prodhimin e djathit të butë, të çertifikuar me të gjitha standartet duke servirur cilësi, shumëllojshmëri dhe shije te jashtëzakonshme!