E lokalizuar në rrethin e Korcës, fshatin Boboshticë, kompania ka nisur si një biznes i vogël familjar në vitin 1994, në një ndërtesë modeste me një sipërfaqe prej 100m2.

Recetat tradicionale të prodhimit, të trashëguara nga brezat, i bënin këto produkte shumë të preferuara në tregun e asaj kohe. Me kalimin e viteve kërkesa filloi të rritej me hapa të mëdha të cilat rrjedhimisht sollën nevojën e modernizimit dhe zgjerimit të hapësirave të prodhimit. Ide inovative u aplikuan si në procesin e prodhimit ashtu edhe në recetat e produkteve të prodhuara.

Me investime të njëpasnjeshme ndër vite, kompania Shaka Boboshticë arriti në vitin 2018 të rrisë kapacitetin e saj prodhues duke grumbulluar dhe përpunuar mbi 35 ton lëndë të parë në ditë,vetëm nga kullotat e thella të rajonit të Korcës, qumësht i kontrolluar dhe seleksionuar me shumë kujdes. Për të plotesuar nevojat e konsumatorëve në të gjithë Shqipërine, kompania zgjeroi shtrirjen e saj në të gjitha qytetet e Shqipërise dhe Kosovë.

Cilësia e standarteve të larta si nga seleksionimi i lëndës së parë, procesi teknologjik i përdorur, analizat laboratorike dhe certifikimet e produkteve, kanë sjellë qëndrueshmërinë e markës dhe shumë klientë besnikë ndër vite.